Oubat Boos Kadazan Kotob Koduvo (K2)

NAA, doiti no vagu tokou do misoomo'.

Itia no ii aantakan:

i) Mimbolotok zo aki-odu do au moboos tanak dioho doid di monongaki-monongodu id Boos Kadazan;

ii) Moboos ii mohoing kusai (ama'/tama') om mohoing tondu (ina'/tina') kumaa tanak id Boos Kadazan, sumimba tanak id Boos Kadazan noopo toi somoonu kopihongot Malazu;

iii) Moboos mohoing kusai kumaa tanak id Boos Kadazan, mohoing tondu moboos id boos Malazu, tanak sumimba id boos Kadazan mihongot Malazu;

iv) Zo aki om odu moboos doid manangaki/ monongodu' id Boos Kadazan, mohoing di tanak moboos doid boos Malazu; tanak sumimba id Boos Kadazan mihongot Malazu;

v) Zo aki/odu' moboos doid manangaki/ monongodu' id Boos Kadazan mihongot Malazu, manangaki / monongodu' sumimba id boos Malazu;

vi)  Ii tama / tina' moboos tanak id Boos Kadazan mihongot Malazu, tanak sumimba id boos Malazu;

vii) Zo aki-odu' om ama'-ina' moboos id boos Malazu kumaa manangaki / monongodu' om  tama'-tina' moboos Malazu doid tanak, manangaki / monongodu' / tanak moboos Malazu;

om kivaa po dati kozuuzuvo di suvai.

Id kaantakan (ii) gisom (iv)  kivaa kahansanan do kakaal koiho moboos om kalati ii tanak / manangaki-monongidu' do Boos Kadazan.

Mantad kaantakan (v) gisom (vii), okudi toi aiso kahansanan do koiho ii tanak / manangaki-monongodu moboos om kalati do Boos Kadazan. Montok paganakan dii, natagak kointutunan tagazo do tuhun Kadazan zioho.

Id kaantakan (viii), aiso kahansanan do koguhi ii Boos Kadazan doid paganakan dii. Nouhun paganakan dii pinakaazan doid kointutunan di suvai mantad do doun Kadazan.

Iti no ii katapatan ii adadi NUNG AU TUMIMPUUN O PAGANAKAN KADAZAN MOGIBOOBOOS ID BOOS KADAZAN.

Oluo o katapatan nga hobi po oluo nung atagak KOINTUTUNAN.

NUNG ATAGAK BOOS om KOINTUTUNAN, INGKUO DII POPOTONDUHI' DII?

"KANOU MOGIBOOBOOS ID BOOS KADAZAN"

Kopisoomo' vagu tokou do tiinu'.

Copyright © 2023 Oubat Boos Kadaaan K2 by Pascalis Claudius Lotinggi Dampian